Ururka gabadhaha WOJA oo xusay 8da Maarso 

Dhaq dhaqaaqa haweenka saxfiyinta somalia  ee marka magacooda la soo gaabiyo loo yaqaan (WOJA) ayaa maanta  xus u sameeyaya munaasabada (8 da) maarso kaas oo ka hacay xarunta DR  ISMAEL  JIMALE  ee xaquuqda aadanaha.

Munaasabadan oo si heer sare ah loo soo agaasimay ayaa waxaa ka soo qayb galay qaybaha kala duwan ee bulshada ra yidka ay ka kooban yihiin ayadoo ay ka hadleen hoolka ay ka dhacaysay  xafladan Gudoomiyaha Golaha Saxaafada Qaranka Somalia(YUSUF ALI OSMAAN FAREEY)oo sheegay in uu uga mahad celinayo gabdhaha suxufiyiinta ah ee ururka  WOJA is xilqaamida iyo baraarujinta maalmaha  muhiimka u ah umada Somaliyeed waxana uu ka codsaday Haweenka Somaliyeed in ay  markasta u tagnaadaan horumarka Bulshada waayo buu yiri Haweenku waa isha bulsha kasta laga arko.

WOJA waxay xustay maalinta haweenka aduunka

Kaddib waxaa ka hadashey gudoomiye ku xigeenka ururka WOJA (SAHRO C\LAAHI YUUSUF) oo sheegtay in maalintaan ay tahay maalin weyn loona baahan yahay ineey dadka Soomaaliyeed siiyaan tixgalin gaara sababtoo ah Haweenka Soomaaliyeed waxeey waxbadan ka dadaal badan yihiin Haween weynaha Adduunka waxayna u soo dhabar adeygeen dhibaatooyin faro badan xili aad u dheer.

Masuuliyiintii kaloo halkaas  ka hadashey waxaa ka mid ahaa (NADIIFO MAXA.UD YUUSUF)oo ka tirsan gudiga fulinta ee INNXA  iyo waliba XARUNTA DR.ISMAIL JIMCALE OSOBLE waxayna sheegtey in  Haweenku yihiin dhibanayaal oo ay iyagu raga koriyaan isla markaana ay dhibku iyaga ku dhoco ugu danbayna waxey ugu baaqday  Haweenka iney u guntadaan sidii ay meel uga soo jeesan lahaayeen  kuwa fidno wadayaasha ah ee weli sii hurinaya colaadda masuul kale oo ka socda HEY,ADDA GOLOBAL FAN ayaa u mahad celiyay ururka WOJA is xilsaarka arimaha bulshada kuna cel celiyaya in aysan ka caajisin shaqada ay bulshada u hayaan.

Haween farabadan ayaa kasoo qaybgalay munaasabada 8 Maarso

Ugu dabbayntii waxaa WOJA ugu hanbalyeeyay hawsha ay u hayaan bulshada wasiirka warfaafinta ee dawlada midnimada qaran (FARXAAN MAXAMUD ALAI) sidoo kale munaasabada waxaa ka hadlay  Haweenkii ka soo qayb galay oo si farxad ay ku dheehan tahay ku cabiray fakradahooda isla markaan ay Haweenku isugu hambalyeeynayeen munaasabada maalinta Haweenka Aduunka. 

W/D: Fardowso SHeekh Xasan (Kuriya)